Алғыс айту күні
Қазақстан Республикасы Президентінің 2016 жылғы 14 қаңтардағы № 173 жарлығына сәйкес 1 наурызда елімізде Алғыс айту күні атап өтіледі.
Қазақстанда Алғыс айту күні – татулық пен келісім саясатының символы.
Алғыс айту күнін мерекелеудің барлық алгоритмі басты мақсаттың іске асырылуына – Қазақстан халқының жалпыұлттық бірлігін нығайтуға, қоғамдық келісім, қайырымдылық, әлеуметтік ынтымақтастық пен өзара қолдау көрсету дәстүрлерін дамытуға ықпал етуі тиіс.
Аталмыш іс-шараны жүзеге асыру мақсатында ШЖҚ «Облыстық стоматологиялық орталығы» МКК-нің бірқатар ардагер мамандарына Алғыс айтып, құрметтеп, ұжым атынан сый-сияпатымызды білдіріп қайттық.
Раушанова Алтынай Ауданбайқызы – шаруа бике, мекемеде 30 жылдан астам қызмет етіп, зейнеткерлік жасқа жетіп, қазір отбасының ұйытқысы болып отырған ардақты ана. 2 ұл 2 қыздан 16 немересі бар. 1 наурыз күні 65 жасын тойлағалы отыр.
Оңдасынова Жолбибі – еден жуушы, 25 ақпан күні мерейлі 70 жасқа толған, бірқатар жыл мекеменің тазалық жұмысына жауапты болып, 2008 жылы зейнеткерлік жасқа толып жұмыстан босаған.
Досимова Ұлдамен Жұмашқызы – шаруашылық меңгерушісі, зейнеткер. Қызы Регина медбике.
Бұл күнде зейнеткерліктің жемісін теріп отырған, қоғамдық жұмыстан қол үзгенмен, саналы ұрпақ тәрбиесіне мән беріп, немерелерін қызықтап, тәрбиелеп, әлдиін айтып отырған ардақты Аналарымызды 1 наурыз Алғыс айту күні қарсаңында шын ниетпен ұжым атынан құттықтап, Алғысымызды білдіреміз.
Бақытнұр Қарсыбайқызы.
Leave a reply →